स्वतःवर विश्वास ठेवा.............

ज्यांचा स्वतः वर विश्वास असतो तेच अशक्य गोष्टीही करू शकतात. त्याचवेळी आत्मविश्वास गळपटलेली माणसं मात्र नशिबाला दोष आणि कारणांची जंत्री पुढे करण्याशिवाय काहीही करू शकत नाहीत.कसा येतो हा आत्मविश्वास?सराव हा आत्मविश्वासाचा पाया आहे. नवीन , आपल्याला माहीत नसलेली गोष्ट आपण केली तर आपण चुकू, त्यामुळे आपलं हसं होईल, आपण तोंडघशी पडू ही भितीच अनेकदा आपली पावलं खेचत असतात. आपल्याला नकारात्मकतेकडे घेऊन जात असतात. पण कोणतीही नवी गोष्ट तेव्हाच जूनी होते जेव्हा आपण त्याला भिडतो, वारंवार सामोरे जातो. त्या नावीन्याचं कोणतही अप्रुप मग राहत नाही.'मला जमणारच नाही 'म्हणून आपण त्यापासून लांब पळत गेलो तरी ती 'भिती ' मात्र आपल्यालात्यापासून दूर जाऊ देत नाही. त्यामुळेच ' प्रयत्न तर करू , नक्किच जमेल ' ही विचारधाराच आपल्यातली सकारात्मक ऊर्जा वाढवेल ...........